ఘనంగా గ్రాడ్యుయేషన్ డే వేడుకలు

జగిత్యాల జిల్లా రాయికల్ పట్టణంలోని ప్రగతి ఉన్నత పాఠశాలలో 2024-25 విద్యా సంవత్సరం ముగింపు వేడుకలు బుధవారం ఘనంగా నిర్వహించారు. ఈ సందర్భంగా యూకేజీ విద్యార్థులకు ప్రత్యేకంగా గ్రాడ్యుయేషన్ డే ను ఘనంగా నిర్వహించారు. యూకేజీ విద్యార్థులు వారి మాటలతో అందరి మనసులను గెలిచాయి. ఈ సందర్భంగా ప్రగతి పాఠశాల ప్రిన్సిపాల్ బాలె శేఖర్ మాట్లాడుతూ, “చిన్నారుల్లో ప్రతిభకు మెరుగైన వేదికను అందించేందుకు మా పాఠశాల ఎల్లప్పుడూ కృషి చేస్తుందని. విద్యతో పాటు సాంస్కృతిక, క్రీడారంగాలలో విద్యార్థులు పాల్గొనడం ఎంతో ముఖ్యమని మేము నమ్ముతాం,” అని అన్నారు. ఈ వేడుకలో పాఠశాల ప్రిన్సిపాల్ జయశ్రీ శేఖర్, అకాడమిక్ డైరెక్టర్ నిఖిల్ కుమార్, ఉపాధ్యాయులు, తల్లిదండ్రులు, విద్యార్థులు పెద్ద సంఖ్యలో పాల్గొని బాలబాలికల ప్రతిభను ప్రశంసించారు. చివరగా పాఠశాల తరఫున ప్రతిభావంతులైన విద్యార్థులకు ప్రశంసాపత్రాలు, బహుమతులు అందజేసారు.