రైజింగ్ ఇంగ్లీష్ మీడియం హై స్కూల్ లో మాస్టర్ తైక్వాండో క్లబ్ ఆధ్వర్యంలో ప్రపంచ యోగ దినోత్సవ వేడుకలు

ప్రపంచ యోగ దినోత్సవం సందర్భంగా శుక్రవారం రోజున కోరుట్ల పట్టణంలోని రైజింగ్ ఇంగ్లీష్ మీడియం హై స్కూల్ లో మాస్టర్ తైక్వాండో క్లబ్ ఆధ్వర్యంలో పాఠశాల విద్యార్థులకు యోగ కార్యక్రమాన్ని నిర్వహించారు. ఈ సందర్భంగా మాస్టర్ తైక్వాండో క్లబ్ వ్యవస్థాపకులు, కోచ్ నావనంది రమేష్ పాఠశాల విద్యార్థులకు యోగాలోని మెలకువలను, ఆసనాలను విద్యార్థిని విద్యార్థులకు నేర్పించి, యోగ వల్ల కలిగే ఉపయోగాలను వారికి వివరించడం జరిగింది. ఈ సందర్భంగా రైజింగ్ హై స్కూల్ కరస్పాండెంట్ కుడేల రాజేంద్రప్రసాద్ మాట్లాడుతూ ప్రతి ఒక్కరు ఈ యోగ విద్యని తప్పకుండా ప్రతిరోజు తమ దైనందిత జీవితంలో అలవాటు చేసుకుని ఆరోగ్యంగా ఉండాలని, తప్పకుండా ప్రతిరోజు సాధన చేయాలని విద్యార్థులకు సూచించారు .ఈ సందర్భంగా విద్యార్థినీ విద్యార్థులకు ప్రపంచ యోగ దినోత్సవ శుభాకాంక్షలు తెలిపారు. ఈ కార్యక్రమంలో రైజింగ్ స్కూల్ ప్రిన్సిపాల్ కుడేల లిఖిత, డైరెక్టర్స్ సిహెచ్ మోహన్, షానాజ్ బేగం, ఉపాధ్యాయినీ ఉపాధ్యాయులు, విద్యార్థిని విద్యార్థు లు పాల్గొన్నారు.